ابلع لسانك
لو تقدر
وبلاش تفكر
وتعبّر
ايه اللي
خدته من الأشعار؟!
ما دام
محدش بيقدر
ابلع لسانك
لو تقدر
ابلع
لسانك..
ما تقولشي
اكتم آهاتك
ما تبوحشي
"الكلمة"ماتت..
ما
يجوزشي..
إنك تنوح
ولا تتحسّر
وابلع
لسانك لو تقدر
طنّش وقول
" طب
وانا مالي"
كان إيه
حشرني ما نا ف حالي
محلى
الدماغ لو كان خالي
ولا تنزعج
..
ولا تتكدّر
وابلع
لسانك لو تقدر
خلينا نخرس
ونسلم
ونشوف ونسمع
ونبلّم
مجاريح ما نقدر نتألم
ونقول دا
مكتوب
ومقدّر
وابلع
لسانك لو تقدر
يا اللي
انت كنت
بتتمنى
يوصل كلامك
..
يتغنى
ع الكلمة
ليه جاى تتجني؟
وتقول لا
تغنى
ولا تأثّر
ابلع لسانك
لو تقدر
هىّ الحروب
إيه
غير كلمة؟
ومصير شعوب
برضو ف كلمة
وقلوب
بتجمعهم
كلمة
وبكلمة
يفترقوا مش أكتر
ابلع لسانك
لو تقدر
اطلق لسانك
..
قول واكتب
ع الكلمة
إوعى ف يوم
تعتب
الكلمة
لازم توصل يوم
بس المهم
انك تصبر
وابلع
لسانك لو تقدر
قالوا اللي
قبلك.. ما استنوش
جاعم
وتعبم
ولا سكتوش
ماقالوش
يأسنا ف يوم
ماقالوش
مادام محدش
بيقدّر
ابلع لسانك
لو تقدر
وبعد موتهم
وزوالهم
الخلق
عرفت
مقدارهم
دلوقتي
بنغني كلامهم
وكأنهم
بينّا وأكتر
ابلع لسانك
لو تقدر
صدقني عمرك
ما ح تقدر
تبلع لسانك
أو تصبر
من أي كلمة
ح تتأثر
وتلاقي
قلمك
بيسطّر
وابلع لسانك لو تقدر
هاحاول
ردحذف