12‏/09‏/2012

دويتو

الصورة للصديق الفنان حسن أمين

عبد ف عصور الفرعنة
مملوك ف عصر السلطنة
حرفوش ف عصر الفتونة
مطحون ف عصر المطحنة

08‏/09‏/2012

فرحة


وسط القبور
والصمت بيلف المكان
أنا كنت ساير..
والخطاوي مكتفة
وسط الدموع
وعيون بيخنقها البكا
والتنهيدات فوق الآهات
متستفة


04‏/09‏/2012

المراية


ما افتكرش زمان في عمري
كنت أصدق إني عيّل
كنت قًزعة ..
بس حاسس
إني شخص ما هوش قليل
كنت شايف إني راجل
حلمي "خاص جدا" وعاجل

ذكرى


بنتجمّع
ونتباعد
ونتفرق
ونتواعد
وتفضل حاجة جوانا
برغم البعد تجمعنا

عروسة


وباتت
والعيون فناجيل
ما شافشي النوم طريق ليهم
تحاول ..
يغفلوا حبة
يهب الشوق
يصحيهم

ملح


فوق الرفوف
ييجي ميت كتاب
واقفين
ضهورهم ناحيتي
متأثرين
قال ما اتقروش !!
خاصم ورقهم خلقتي

ليل


الليل طويل .....
مين يصرفه ؟
ويمد  إيده يجيب نهار ؟؟
أصبح عارفنا ونعرفه
عشش ما بيننا ف كل دار

ببساطة


ومبي وكنتاكي
مع البيتزا
أوفول وحلاوة
مع الجبنة
بيتي بان وباتيه
توست محمص
عيش بلدي بحَصوه
لحبايبنا